gauradha suchana

 

 

आफ्नै परिवारसंग बसेर चाडपर्व मनाऔं

नेपालीहरुले मनाउने पर्वहरू हामीसामु एकपछि अर्को क्रमिकरुपमा आइरहेका छन् । यसैक्रममा दशैं तिहार अनि छठ पनि हाम्रो सम्मुखमा छन् । यस प्रकार हरेक वर्ष हाम्रो घर आ“गनमा चाडपर्व आउनु प्राकृतिक एवं सांस्कृतिक नियति नै हो । तर यस वर्ष भने फरक अवस्थामा चाडपर्व मनाउनु पर्ने बाध्यता सिर्जना भएको छ । 
विश्व व्यापीरुपमा फैलिएको कोरोना भाइरसको संक्रमणका बीच चाडपर्व मनाउनु पर्ने अवस्था छ । जिल्ला प्रशासन कार्यालय झापाले कोरोनाको महामारीलाई मध्यनजर गरी स्वास्थ्य सुरक्षा सर्तकता अपनाई चाडपर्व मनाउन भनेको छ ।
मन्दिर, शक्तिपीठहरुमा पुजापाठ गर्न रोक लगाएको छ भने साझ ८ बजे देखि विहान ५ बजेसम्म जिल्ला भर निषेधाज्ञा जारी गरेको छ । मेला बजार, भीडभाड नगर्न नगराउन अनुरोध गरेको छ । कोरोनाको संक्रमणबाट विश्वभर हजारौ मानिसको मृत्यु भइसकेको छ भने लाखौ मानिस संक्रमित छन् । तथापि चाडपर्व हाम्रो सांकृतिक एवं धार्मिक परम्पराका धरोहर हुन् ।
हामीले हाम्रा धार्मिक एवं सांस्कृतिक धरोहरहरुलाई जोगाई राख्न जरुरी पनि छ । तसर्थ महामारीको यस्तो विषम परिस्थितिमा नेपाल सरकारले जारी गरेको स्वास्थ्य मापदण्डलाई शिरोर्धाय गरी भीडभाड नगरी, मास्क लगाई, आ–आफ्नै घरमा परिवारसंग हर्षोल्लासका साथ चाडपर्व मनाउन्को अर्को विकल्प छैन् । सुरक्षितरुपमा चाडपर्व मनाऔं, आफु बचौं अरुलाई पनि बचाऔं शुभकामना छ ।


यो पनि पढौँ

प्रधानमन्त्री केपी ओली आईतबार झापा आउँदै

हाजिर पुस्तिकासहित गाैरादह नगरपालिका कार्यालय अगाडि शिक्षकहरू धर्ना, विद्यालयकाे पठनपाठन ठप्प

नेपाल शिक्षक संघ गाैरीगंजकाे प्रतिनिधि सभा सम्पन्न, दुई जना सेवानिवृत शिक्षकलाई सम्मान

सर्वाेच्च अदालतले संसद विघटन विरूद्व गरेकाे निर्णयकाेे खुशीयालीमा गाैरीगंजमा दिपप्रज्वलन

निशानको म्याग्नाइट बिर्तामोडमा सार्वजनिक

‘मुलुक चुनावमा जाने सम्भावना बढेको छ’ – राप्रपा अध्यक्ष थापा