gauradha suchana

 

 

तल्लो रामचन्द्र सिंचाई नहर सञ्चालनमा, मन्त्रीद्वारा निर्माण व्यवसायीलाई प्रशंसापत्र

 

गौरीगंज १९, माघ / गौरीगंज –६ स्थित तल्लो रामचन्द्र सिंचाई आयोजनाको उद्घाटन भएको छ ।
प्रदेश नं. १ आन्तरिक मामिला तथा कानुन मन्त्री हिक्मत कुमार कार्कीले आज नहरको मुहानमा राखिएको रेगुलेटर घुमाई रिवन काटेर उक्त आयोजनाको उद्घाटन गरेका हुन् ।
२०७५ साल असार २१ गते सुरु भएको आयोजनाको निर्माण कार्य २ वर्षको समयावधिमा सम्पन्न भई आयोजना शुरु भएकोमा मन्त्री कार्कीले निमार्ण व्यवसायी र आम उपभोक्तालाई धन्यवाद दिदै खुशी व्यक्त गरेका छन् ।
प्रदेश नं. १ भरि यस वर्ष जम्मा ५ को आयोजना सञ्चालनमा आउने र त्यसमध्ये सिंचाई आयोजनामध्ये रामचन्द्र सिंचाई पहिलो आयोजना सञ्चालनमा आएको बताउदै गरिबी निवारणमा यसले महत्वपुर्ण भुमिका खेल्ने मन्त्री कार्कीले बताए ।
गौरीगंज गाउँपालिका वार्ड नं. ५ र ६ का करिब ७ सय विघा जमिन सिंचाई हुने र यसबाट प्रत्यक्षरुपमा कृषकहरुले लाभान्वित हुने उनको भनाई थियो । जलस्रोत तथा सिंचाई विकास डिभिजन भद्रपुरको आयोजनमा भएको उद्घाटन कार्यक्रममा आयोजनाको ठेक्का लिएका नयाँबाटो शिवाको सताक्षी जेभीका प्रतिनिधीलाई समयमै काम सम्पन्न गरेकोमा प्रशंसा पत्र प्रदान गरिएको थियो । प्रदेश नं. १ सरकारले छुट्टाएको करसहित ८ करोड ७९ लाख २० हजार रुपैयाँबाट निर्माण भएको उक्त आयोजनाको सम्पुर्ण कार्यहरु सम्झौता अनुसार सम्पन्न भएको हो ।

नहरको मुहानदेखि मुख्य नहरको लम्बाई ४.२ किलोमिटर रहेको छ र २ वटा शाखा क्यानल रहेको जलस्रोत तथा सिचाई विकास डिभिजन झापाका इन्जिनियर अनिल कुमार महतोले जानकारी गराएका छन् ।
जलस्रोत तथा सिंचाई विकास डिभिजन भद्रपुरका डिभिजन प्रमुख कृष्णप्रसाद राजवंशीको अध्यक्षतामा भएको कार्यक्रममा भौतिक पूर्वाधार विकास मन्त्रालय प्रदेश नं. १ का सचिव मोहन कुमार शाक्य, उर्जा जलस्रोत सिंचाई महाशाखाका प्रमुख रमेश पौडेल, गेउरिया कृषि सुधार जल उपभोक्ता समितिका अध्यक्ष फडिन्द्र धमला, गौरीगंज गाउँपालिकाका प्रमुख प्रशासकिय अधिकृत राजु दाहाल, वार्ड नं. ५ का अध्यक्ष विजय सिंह गन्गाई, उपभोक्ता समितिका सचिव नगेन्द्र डाँगीलगायतले शुभकामना मन्तव्य राखेका थिए । त्यसैगरी गौरादह नगरपालिका वार्ड नं. ६ स्थित हेङ्गाटोली सोलार सिंचाई योजनाको उद्घाटन भएको छ । प्रदेश नं. १ का आन्तरिक मामिला तथा कानुन मन्त्री हिक्मत कुमार कार्कीले उत्त योजनाको आज उद्घाटन गरेका हुन । प्रदेश सरकारको २७ लाख रुपैयाँको बजेटबाट सञ्चालन भएको सोलार सिंचाईबाट करिब १० हेक्टर जमिन सिंचित हुने जलस्रोत तथा सिंचाई विकास डिभिजन भद्रपुरका डिभिजन प्रमुख कृष्णप्रसाद राजवंशीले जनाएका छन् ।

 


यो पनि पढौँ

प्रधानमन्त्री केपी ओली आईतबार झापा आउँदै

हाजिर पुस्तिकासहित गाैरादह नगरपालिका कार्यालय अगाडि शिक्षकहरू धर्ना, विद्यालयकाे पठनपाठन ठप्प

राजवंशी समाज विकास समिति झापाले महावीर चिलारायकाे जन्माेत्सव भव्यरूपमा मनाउने

नेपाल शिक्षक संघ गाैरीगंजकाे प्रतिनिधि सभा सम्पन्न, दुई जना सेवानिवृत शिक्षकलाई सम्मान

सर्वाेच्च अदालतले संसद विघटन विरूद्व गरेकाे निर्णयकाेे खुशीयालीमा गाैरीगंजमा दिपप्रज्वलन

निशानको म्याग्नाइट बिर्तामोडमा सार्वजनिक