gauradha suchana

 

 

जन्मदिनमा अनन्तलालले दिए १ सय ६० जना विद्यार्थीलाई स्वीटर

 


 
बिर्तामोड २७, माघ / वीरता जेसीजको आयोजनामा झापाको गौरीगञ्ज –३ मा रहेको गौरीगञ्ज प्राथमिक विद्यालयमा अध्ययनरत् विद्यार्थीलाई स्वीटर वितरण गरिएको छ ।  
  वीरता जेसीजका जनसम्पर्क अधिकारी अनन्तलाल महतोले आफ्नो  जन्मदिनमा गौरीगञ्ज प्राथमिक विद्यालयमा अध्ययनरत् एक सय ६० जना विद्यार्थीलाई  ५५ हजार मूल्य वरावरको स्वीटर वितरण गरेका हुन् ।
 वीरता जेसीजका अध्यक्ष राजीव धिमालको अध्यक्षता तथा  गौरीगञ्ज गाउँपालिकाका अध्यक्ष बाबुराजा श्रेष्ठको प्रमुख आतिथ्यमा भएको कार्यक्रममा  कार्यक्रम संयोजक तथा जनसम्पर्क अधिकारी अनन्तलाल महतोले स्वागत गरेका थिए ।


 कार्यक्रममा वीरता जेसीजका निवर्तमान अध्यक्ष मिजाश पोखरेल , अध्यक्ष धिमाल , कार्यक्रम संयोजक अनन्तलाल महतोलगायतले विद्यार्थीलाई स्वीटर वितरण गरेका थिए ।
  विद्यालयका प्रधानाध्यापक हरिलाल यादवले उक्त विद्यालयमा विपन्न वर्गका अभिभावकका छोराछोरी अध्ययन गर्न आउने र उनीहरु जाडोको समयमा एकसरो लुगाको भरमा लुगलुग काम्दै आउने गरेकोमा वीरता जेसीजले स्वीटर प्रदान गरेर विद्यार्थीलाई ठूलो गुन लगाएको बताए । उनले यस्तो कार्यमा सहयोग गर्न सरोकारवाला सवैलाई आग्रह गरेका थिए ।    
कार्यक्रममा गौरीगञ्ज गाउँपालिकाका अध्यक्ष श्रेष्ठ , उपाध्यक्ष दिपिन्द्र थापा , वडा नं. ३ का वडाध्यक्ष मखना महतोलगायतले मानवताको सेवामा क्रियाशिल वीरता जेसीजले गरेको कार्यको प्रशंसा गरेका थिए ।  
 वीरता जेसीजका कार्यकारीणी उपाध्यक्ष अशोक चौधरीले कार्यक्रममा आस्था वाचन गरेको कार्यक्रममा जेसीआई मिसन भिजन वाचन खेल संयोजक दिपेन धिमालले गरेका थिए ।
वीरता जेसीजका कार्यकारीणी उपाध्यक्ष विकास वस्नेतले धन्यवाद ज्ञापन गरेको कार्यक्रमको सञ्चालन महासचिव लोकचन्द्र श्रेष्ठ( एलसी)ले गरेको अवार्ड संयोजक सञ्जय राजवंशीले जानकारी दिए ।


यो पनि पढौँ

प्रधानमन्त्री केपी ओली आईतबार झापा आउँदै

हाजिर पुस्तिकासहित गाैरादह नगरपालिका कार्यालय अगाडि शिक्षकहरू धर्ना, विद्यालयकाे पठनपाठन ठप्प

राजवंशी समाज विकास समिति झापाले महावीर चिलारायकाे जन्माेत्सव भव्यरूपमा मनाउने

नेपाल शिक्षक संघ गाैरीगंजकाे प्रतिनिधि सभा सम्पन्न, दुई जना सेवानिवृत शिक्षकलाई सम्मान

सर्वाेच्च अदालतले संसद विघटन विरूद्व गरेकाे निर्णयकाेे खुशीयालीमा गाैरीगंजमा दिपप्रज्वलन

निशानको म्याग्नाइट बिर्तामोडमा सार्वजनिक