भाक्काकाे राैनक
विर्तामोड २९, पुस/ झापाको बिर्तामोडमा छैटौँ राष्ट्रिय भाक्का दिवस विविध कार्यक्रम गरेर मनाएकाे छ । राजवंशी समाज विकास समितिको आयोजनामा पुष २९ गते बिर्तामोड स्थित सिटी सेन्टर परिसरमा भाका दिवस मनाईएकाे हाे ।
राजवंशी, ताजपुरिया, गन्गाईलगायत विभिन्न समुदायको लोकप्रिय परिकार भाकालाई राष्ट्रिय तथा अन्तर्राष्ट्रिय स्तरमा परिचित गराई भाकाको प्रचार र व्यवसायको प्रर्वद्धन गराउने उद्देश्यले हरेक वर्ष बिर्तामोडमा राष्ट्रिय भाक्का दिवस मनाइदै आएको अध्यक्ष अभय राजवंशीले जानकारी दिए ।
भाक्का दिवसमा डा. विष्णु बरालको विशेष मन्तव्य, श्री श्री १००८ हिमालय पिठाधिश्वर स्वामी गिरेन्द्रनन्द महाराजको विशेष प्रवचन, कवि/चित्रकार प्राज्ञ पवन राजवंशीको भाक्का कवितात्मक चित्रकला प्रर्दशनी, गायक बल बहादुर राजवंशी, बलराम राजवंशी, प्रमाेद राजवंशी, पिङ्की राजवंशीलगायतले गायन प्रस्तुत गरेकाे आयोजकले जानकारी दिएको छ ।
