gauradha suchana

 

गाैरीगंज गाउँपालिकाकाे सार्वजनिक खरिद तथा बाेलपत्र : (मिति २०७७।०९।२२) टटुवामारी एनसेल टावर देखि बघाचाैधरी बेलडागी हुदै हुक्कागाछि सडक कालाेपत्र

झापालाई मदिरा नियन्त्रित बनाउन व्यवसायीहरू आफैँ सक्रिय , सम्भब होला त अभियान?

drunk
दमक १७, मंसिर / आगामी माघ १ गतेदेखि झापालाई मदिरा नियन्त्रित क्षेत्र बनाउन जिल्लाका मदिरा व्यवसायीहरू आफैँ जुटेका छन् । जिल्लाका १५ वटै स्थानीय तहमा मदिराको कारोवारलाई नियमनसँगै व्यवस्थित बनाउन अभियानका रूपमा कामहरू शुरु गरिएको छ ।

स्थानीयस्तरमा समेत मदिरा कारोवारलाई व्यवस्थित बनाउने सरकारी कार्यक्रमलाई शसक्त ढङ्गले कार्यान्वयन गराउन जिल्लाको माई पश्चिमका मदिरा व्यवसायीहरूले चरणबद्ध अभियान शुरु गरेका हुन् ।
मेची मदिरा व्यवसायी सङ्घ, माई पश्चिम क्षेत्रीय समितिका अनुसार कारोवारलाई व्यवस्थित बनाउन माई पश्चिमका पाँचैवटा स्थानीय तहमा त्यससम्बन्धी जनचेतना कार्यक्रम शुरु गरिने छ । सङ्घका अध्यक्ष प्रेम पाण्डेले मदिरा कारोवारलाई व्यवस्थित बनाउन स्थानीय सरकार, व्यवसायी, राजनीतिक दलसहित सरोकारवालाहरूसँग छलफल गरी अभियान शुरु गरिने बताउनुभयो । उहाँले दमक, गौरादह, शिवसताक्षी नगरपालिका र कमल, गौरीगञ्ज गाँउपालिकामा सङ्घले आवश्यक छलफल थाल्ने
छलफलपछि माई पश्चिमका पाँचै स्थानीय तहमा मदिरा कारोवारसँगै सेवनमा समेत नियन्त्रण हुने अभियानको लक्ष्य रहेको मदिरा व्यवसायी महासङ्घका केन्द्रीय सदस्य भरत चम्लागाईंले बताउनुभयो । उहाँले भन्नुभयो, “मदिरा कारोवारमा देखिएको विकृति नियन्त्रण गर्न तथा कारोवार व्यवस्थित गर्न पहल थालिएको छ ।”

सङ्घले अभियान सफल बनाउन प्रारिम्भक चरणमा स्थानीय सरकारका प्रतिनिधिहरूसँग छलफल थालेको जनाएको छ । यसैक्रममा आइतबार दमक नगरपालिकाका प्रमुख, उपप्रमुखसहित वडाध्यक्षहरूसँग छलफल गरिएको थियो । छलफलपछि दमकमा यही मङ्सिर २७ गते सरोकारवाला पक्षहरूको सहभागितामा नगरस्तरीय वृहत छलफल तय समेत गरिएको अध्यक्ष पाण्डेले जानकारी दिनुभयो ।
छलफलमा नगरप्रमुख रोमनाथ ओलीले नगर क्षेत्रमा मदिरा व्यवस्थित बनाउने अभियान सबै पक्षको सहकार्यमा शुरु गरिने बताउनुभयो । मदिरा कारोवारलाई व्यवस्थित बनाउन बेचबिखन र सेवन बारेमा सरोकारवालासँग छलफल, अन्तरक्रिया थालेर अघि बढ्ने उहाँले जानकारी दिनुभयो । उहाँले भन्नुभयो, “मदिरा कारोवारलाई व्यवस्थित बनाउन कानुन निर्माण गरी कडाइका साथ कार्यान्वयन गर्न नगरपालिका प्रतिबद्ध छ ।’

छलफलमा नगर उपप्रमुख गीता अधिकारीले मदिराका कारण सामाजिक विकृति, अपराध निम्तिँदै आएकाले यसलाई अब व्यवस्थित बनाउन स्थानीय सरकार लागिपर्ने बताउनुभयो ।

माई पश्चिम क्षेत्रमा मात्र मदिराको कारोवार गर्ने व्यवसायीहरू करिव चार हजार बढी रहेको अनुमान छ । ती मध्ये ११ सय व्यवसायीले मात्र सरकारी अनुमति लिएर मदिराको कारोवार गरिआएको सङ्घका अध्यक्ष पाण्डेले जानकारी दिनुभयो । जिल्लामा मदिरा कारोवारलाई नियन्त्रण गर्न जिल्लास्तरमा आन्तरिक राजस्व कार्यालयका प्रमुखको संयोजकत्वमा उद्योगी, व्यवसायी, प्रहरी, प्रशासन तथा सरोकारवालाहरूको सहभागितामा समिति गठन गरिएको छ । समितिले आगामी माघ १ गते जिल्लालाई मदिरा नियन्त्रित जिल्ला घोषणा गरिने तय गरेको छ । (रासस)


यो पनि पढौँ

खतिवडा दम्पत्तिद्वारा आफ्नो रजत विवाह वर्षगाठ सामाजिक कार्य गरेर मनाए

कुलदीप राजवंशी प्रतिष्ठानद्वारा स्रष्टा सम्मानित, कार्यक्रममा कविता संग्रह ‘तित्रिझुक’ विमाेचन

रेलवे प्रभावितका समस्या तत्काल समाधानको पहल गर्ने

भाक्कालाई राष्ट्रिय परिकारको रुपमा स्थापित गर्न सराेकारवालासंग छलफल

सरकारकाे असंबैैधानिक कदम विरूद्व दमकमा कांग्रेसद्वारा विरोध प्रदर्शन

गाैरादह -१ द्वारा गाेठमै गएर निःशुल्कमा पशु विमा